Skríll


við borgum skattana okkar, en það skiptir ekki máli
af því að við erum skríll
við borgum launin ykkar, en það skiptir ekki máli
af því að við erum skríll
við viljum ekki vanhæfa ríkistjórn, en það skiptir ekki máli
af því að við erum jú skríll

á fyrsta degi vorum við víst bara fimmtíu
og vorum als ekki þjóðin
í næsta skipti fimmhundruð
og því fór fjarri að þar færi þjóðin
þá stóðu þar fimm þúsund sem funduðu á Austurvelli
við fylltum allar fundarhallir
er við fengum sama svarið
fór okkur að gruna að við yrðum aldrei þjóðin

Við mættum í morgun
Íslands feður, Íslands mæður
Íslands synir, Íslands dætur
ég þurfti ekki að telja
við unnum vinnuna okkar
við sóttum skólana okkar
við biðum þolinmóð
við sömdum ljóðin
föðurlandssvikarar heyrið hrópin
við erum nefnilega íslenska þjóðin

Meðan ríkisstjórnin læddist niðurlút
heim í hellana sína í skjóli kylfu og piparúða
stóðum við fram á nótt og hrópuðum svo þið mættuð heyra
við viljum ekki sjá ykkur, við viljum ekki meira
látið ekki syni og dætur þessa lands blæða
látið ekki skömmina skelfa ykkur til ódáðaverka
standið upp og biðjið okkur fyrirgefningar
stígið niður úr hásætunum, skilið lyklunum
náið af ykkur velmegunar spikinu
og þá kannski, mun hinn íslenski skríll fyrirgefa ykkur.




(Höf. Starri Hauksson)

...hversu náttúrulegt það er fyrir krílin að láta bera sig um

Og ég vitna:

"Ég trúi að margt af því sem við reynum í lífinu sé fyrirfram ákveðið. En ég trúi því líka að sem mannlegar verur búum við yfir óendanlega mörgum valkostum til þess að skapa hið fagra líf sem við látum okkur dreyma um. Forsjónin og okkar eigið val vinna saman að því að móta líf okkar. Og það sem ræður úrslitum um hinar endanlegu útkomu lífs okkar eru einmitt þær meðvituðu ákvarðanir sem við tökum. Ef við gleymum því föllum við í þá gryfju að leika hlutverk fórnarlambsins.
Lokirðu augunum fyrir þessum sannleika ertu í rauninni að hunsa það vald sem þér hefur verið gefið til þess að móta líf þitt að eigin vild."

Robin S. Sharma  (vinur minn sem skrifaði ma. Munkurinn sem seldi sportbílinn sinn)


Knús til ykkar

ps. af hverju ekki að brosa þegar við höfum valið?
Sama hversu "kreppt" við erum, brosið er alltaf ókeypis

   

Já.. þessi hugsun er búin að sveifla sér fram og aftur um kollinn minn síðustu mánuði.
Nú hef ég tekið þá brilljant ákvörðun að PÁSA þetta blessaða blogg.

Ástæðurnar eru eftirfarandi:

* Ég er algjörlega andlaus blogglega séð og ég hef engu að deila, nema þá kannski einhverju tengdu barnauppeldi og brjóstagjöf.

* Ég hef ekki heyrt bofs í mörgum annars dyggum lesendum mínum í LENGRI tíma.

* Dyggu lesendurnir eru örugglega löngu hættir að lesa.

* Mér líður eins og ég sé að blogga inni í kassa fullum af viðmiðum, gildum og óskrifuðum reglum.

* Ég nenni ekki að blogga inni í kassa og ef ég fer útfyrir hann, hefur enginn rænu á að kommenta.

* Ég nenni ekki að blogga og fá engin viðbrögð.

* Ég nenni ekki að blogga um eitthvað sem mér finnst ekki gaman að blogga um bara af því að "það er kominn tími á blogg".

* Ég nenni ekki að bregðast við þessum örfáu viðbrögðum sem ég fæ þó stundum. (Öfugsnúið, ég veit!).

* Mér líður eins og ég sé sjálf föst í kassa, fullum af viðmiðum, gildum og óskrifuðum reglum sem ég þarf að komst útúr.


Þar hafiði það. Þetta er klárlega komið gott í bili og ég finn það mjög sterkt. Þetta er búið að vera einn allsherjar rembingur í lengri tíma og blogg um eitthvað bara til að blogga um eitthvað.

Það er kominn tími á að sleppa tökunum á þessu blessaða bloggi og gera eitthvað annað.

Ég er fyrir löngu hætt að fá eitthvað út úr þessum færslum og mín tilfinning er sú að ef það gefur mér ekkert, gefur það heldur ekki af sér.

Maður býður jú ekki sopa úr tómu glasi.

Þannig að,
Veriði sæl að sinni mín kærustu kæru og guð geymi ykkur alltaf og alltaf.


Ég ætla að enda þetta á kvóti úr bók sem ég er að lesa, svona til umhugsunar:

"Sært fólk er eina fólkið sem getur valdið öðrum sársauka.
Skaddað fólk er eina fólkið sem getur skaðað aðra.
Fólk með lokuð hjörtu er eina fólkið sem sýnir öðrum kulda."

Það getur samt vel verið að ég hendi inn einu og einu kvóti, jafnvel einni og einni mynd, en ég er alveg off í blogginu sjálf




Knús til ykkar allra og takk fyrir að lesa.

Það snjóaði í nótt.
Ekki bara á hálendinu, heldur í garðinum mínum, á bílinn minn, á þakið mitt. Merkilegt hvað maður verður alltaf hissa.


Annars langaði mig bara að birta þessa grein hans Hallgríms Helgasonar, mæli með að þið lesið hana.. hún er vel skrifuð og lýsir þessari vitleysu vel.


„Kæru viðtakendur.

Atburðir morgunsins segja manni að hér starfi hvorki þing né ríkisstjórn. Eitt stærsta fyrirtæki landsins er þjóðnýtt í nafni ríkisstjórnar Íslands en forsætisráðherra er ekki í aðalhlutverki heldur situr í farþegasætinu og fjármálaráðherra í aftursætinu ... Og Alþingi er einhverstaðar víðs fjarri. Bara hóað í nokkra þingmenn til að vera vitni að aðgerðinni.

Hver fer með æðsta vald á Íslandi?

Ein stærsta aðgerð okkar daga er framkvæmd án umræðu, án sýnilegrar aðildar annars ríkisstjórnarflokkanna. Hvar er Samfylkingin? Í Bandaríkjunum hefur umræða um svipaða aðgerð staðið látlaust í tíu daga. Fyrir opnum tjöldum. Hér er allt í leyni. Og svo er ákvörðuntekin af ... já, af hverjum? - á lokuðum fundi seint um nótt. Minnir óneitanlega á aðra stóra ákvörðun, sem tveir menn tóku fyrir nokkrum árum.

Til hvers vorum við að kjósa fyrir rúmu ári síðan?

Geir gufaði endanlega upp sem forsætisráðherra um helgina. Hér er hvorki starfandi þing né ríkisstjórn. Við erum bara með Seðlabankastjóra, sem ræður, og Silfur Egils, fyrir umræðuna.

Svo bætast við sögur um að Glitnir hefði beðið um aðstoð Seðlabanka í síðustu viku en DO neitað honum um það, nema hann fengi að yfirtaka bankann. Davíð yfirtekur banka Baugs ... Hversu traustvekjandi aðgerð er það? Ekki mjög, eftir að stjórnarformaður Glitnis talar í viðtali við Stöð 2 eins og bankanum hafi verið rænt af sér. Á meðan birtist viðskiptaráðherra dreyrrauður í viðtali við sömu stöð og talar eins og hlutlaus áhorfandi. "Með þessu er ríkisstjórnin að sýna að hún lætur ekki banka fara í þrot." Hann hefði fremur átt að segja: "Með þessu sjáum við að Samfylkingin hefur engin áhrif í ríkisstjórn sem að auki er í vasa Seðlabankastjóra."

Í hádegisfréttum RUV sagði svo Davíð: "Seðlabankanum verður svo bætt þetta upp með ákvörðun Alþingis, væntanlega." Já, væntanlega. Hver ræður á Íslandi í dag?

Ég get ekki betur séð en að ríkisstjórnin sé ónýt. Seðlabankinn hefureignast 75% hlut í henni.

Ég sofnaði í lýðræðisríki í gærkvöldi en vaknaði í konungsríki í morgun.

Með kveðju - HH"

Hér er greinin á vísi.is


Takk og bless,
með kveðju- HH

Jæja, sælir.

Stór skammtur af alls konar fullorðins þessa dagana.. svo stór skammtur að ég svíf aftur í tímann og fæ einskonar fortíðarþrá og sakna stúdentagarðanna og "einfalda" lífsins Ekki misskilja mig samt, lífið gæti ekki verið betra en það er í dag og allt að gerast á hárréttum tíma, en einstaka sinnum bruna ég aftur í tímann með bros á vör.

Það sem er helst í fullorðinsfréttum er þetta: Við erum búin að selja bílinn minn. Komin á steisjon. Jebb. Vagninn og fleira var ekki alveg að passa í bílinn, þannig að það var lítið annað í stöðunni.
Ég er búin að skipta um banka.. komin í fjölskyldupakka í nýja bankanum og hjá tryggingunum, meira að segja priority pass til að bíða á betri stofum flugstöðva (hversu fullorðins er það?).
Fleira? Já, við Margrét erum farnar að vinna. Já eða ég er farin að vinna eins og vinkonur mínar í afríku, með Margréti Sif á bakinu Tók að mér ræstingar á Gamla Bauk og vantar þar með bara skipstjórnarréttindi og kokkahúfu, til þess að hafa gegnt nákvæmlega öllum stöðum á NS svæðinu. Osei sei. Allt gott með það, er nebblega að safna mér fyrir myndavél. Fullorðins eos 450d.
Svo er það stöð 2. Ég hef ekki verið með solleis síðan ég veit ekki hvenær.. alveg óheyrilega lengi, þannig að það fer í fullorðins flokkinn líka.
Og síðasta en ekki síðsta fullorðins, er maðurinn minn. Hann er víst að detta í þriðja tuginn núna um helgina Svosem ekkert svo rosalega fullorðins aldur, en 3tugs veisla er samt sem áður fullorðins.

Jájá, svona er nú það. Ég ætlaði að vera að skipuleggja eitthvað heljarinnar afmælis í höbbðinu mínu núna, en sofnaði svo með Margréti og hef ekki komið hausnum í gang síðan.. einum of fullorðins þar kannski

En jæja, ætla að enda þetta á stolnum myndir frá henni Þórunni, við fórum í lundaveislu í Stapa, sem Hrólfur og Stapafólk stóð að og smakkaðist svona ljómandi alveg hreint. Margrét var ekkert smá góð, þó að klukkan væri komin yfir háttatíma og skartaði sparibrosinu í hvert sinn sem hún sá myndavélina:


Ótrúlega fullorðins, þessi skvísa!



Brosmildar þessar tvær, Þórdís á þó vinninginn



Kokkurinn eini sanni!



Gestgjafinn



Myndavélabrosið..


Þangað til næst, hafið það gott kæra fólk.
Passið ykkur í myrkrinu og knúsist í kuldanum.

-ein fullorðins

Jæja.. blogg.

Við erum semsagt komin heim. Lentum í kef í svoleiðis hífandi roki og rigningu að við urðum næstum úti við það eitt að hlaupa útí bíl. Fluginu okkar seinkaði um heila 8 tíma, þar sem að flugfélagið sem flaug með okkur út fór á hausinn. Þar með missti ég af læknistíma sem ég var búin að hafa mikið fyrir að panta. Svona er nú það.
Gistum á freyjugötunni aftur á heimleið og framlengdum um eina nótt. Náði þannig að hitta megnið af slínunum mínum. Jeij! Ég var orðin alveg þokkalega lúin eftir ferðalagið og langaði mestast að komast heim.
Topp 5 sem ég saknaði þessar 3 vikur:
Tölvan mín í 5. veldi.
Enda svo ótrúlega margt merkilegt að finna þar. Td. alkabloggið. (Það finnst svosem í öðrum tölvum líka.. það er bara ekki að minna á sig þar).
Núh..
Tenerife var annars alveg ágæt. Mjög mikill túrismi og já.. bara allt búið til fyrir túrista. Túristahús, túristaföt, túristaVERÐ. En það var svosem ekki við öðru að búast
Ég held að það hafi allir skemmt sér vel.. við vorum 14 allt í allt, ef mig minnir rétt, ég nenni ekki að telja.
Já og svo var alveg mjög heitt. Gollurnar fimm sem ég tók með til að hafa yfir mér á kvöldin fengu að dúsa inni í skáp mestan partinn, enda hlýrabolaveður á kvöldin. Kaldast var frekar á morgnana, áður en sólin náði að verma upp svæðið.
Á útleið komum við við hjá ömmu í sandgerði & Sillu & Bjössa systkinum mömmu. Það var rosa gaman að sjá þau, alltof sjaldan og alltof langt á milli!

Set hér inn stolnar myndir frá Bjössa






Ég nenni ekki að skrifa eitthvað langt um ferðina, hún var FÍN Læt í staðinn fylgja nokkrar myndir.


Hér erum við mæðgur nývaknaðar og fínar



Litla skottið í sundi



Alveg frekar montin með sig bara



Útað borða



Jóhann & pabbi



Við þurftum lítið að sakna kisanna.. fengum tvo aðra í staðinn...

Þessi gekk undir vinnuheitinu "blindur" enda var hann bara með eitt auga.

Og þessi var kallaður "skítugur" enda mjög sérstakur á litinn (þó kannski ekkert sérstaklega skítugur.. en alveg örugglega lúsugur!)

Semsagt Blindur og Skítugur.


Við Margrét að bíða eftir rútu síðasta daginn.
Takið eftir hvað ég er ótrúlega TÖNUÐ eftir þessar tvær vikur



Á túristastöðum eins og Tenerife eru allir að selja allt.
Þessi kínverska kona var að selja NUDD. Tilbreyting frá blikkandi skopparaboltum og geltandi tuskudýrum. Ég ákvað að slá til.


Þess má geta að í kaupbæti fékk ég alveg hroðalega rautt bak, enda makaði hún svoleiðis olíunni á mig meðan ég lá þarna beint undir sólinni.

En nuddið var gott


Þessi tvö voru góð saman




Himininn var rosa flottur.. og hefði verið gaman að mynda! En við keyptum ekki eos 450d eins og við ætluðum.



Þessi litli kroppalingur byrjaði svo að SKRÍÐA á afmælisdegi mömmu sinnar, þannig að það er nóg að gera hjá okkur.



Ætla að segja þetta gott í bili, þetta er búið að taka alveg óratíma!


Ok kidds.. og já, þið megið alveg endilega segja mér eitthvað skemmtó, takk&takk!

-mamman

Si si.

Tá er stúlkan ordin töttögu og sjö ára! (Vá tad tók mig 3 mínútur ad finna ö-id.)

Er annars á tenerife og hér er nú aldeilis heitt skal ég segja ykkur. Heitasti tími ársins (og vid sem héldum ad tad vaeri í júlí/ágúst!) Onei. 30 plús í forslaelu hvern dag. 26 grádur as we speek. Og klukkan ad nálgast 23.

Aetladi annars bara rétt ad kasta á ykkur kvedju lömbin mín, tar sem ég nádi ekki ad kvedja ykkur. Takk allir fyrir afmaeliskvedjurnar, baedi hér og sms. Tid sem erud ad gleyma mér, tid hafid enn smá tíma. Drííííííífa sig!

Er búin ad fara rómó útad borda og í rómó hestakerruferd í kvöld. Svo fékk ég blaevaeng í afmaelisgjöf frá Daníel og Hafdísi.. ekki veitir af í tessu loftleysi

En jaeja, aetla ad vista ádur en tíminn rennur út.

Adios amigos (eins og spanjólarnir myndu orda tad..)

ps. knús

...meira að segja fyrir löööngu!

Ég er bara svo léleg að öppdeita saumfréttirnar Skellti mér á efni í ikea í byrjun ágúst og skúbbaði þessu af á einu kvöldi. Ógisslega stolt af mér skohh!

Er ekki komin með næga reynslu á það - en á efni í annað sjal (já og reyndar fleiri, ef útí það er farið) og gæti verið að ég prófaði fleiri útfærslur af "öxlum". Annars er þetta með mjög breiðri öxl og bara frekar þægilegt

Set hér inn mynd - þessi mynd er samt sérstaklega fyrir ykkur sem hafi stutt mig í saumaskapnum. Já og auðvitað aðdáendur nær og fjær!



Já.. eins og glöggir lesendur sjá, að þá klippti ég hausinn á mér af myndinni. Hann var bara ekki að gera sig akkúrat þarna þið skiljið..
Ykkur er annars velkomið að sjá hann enítæm, á förnum vegi.. núh eða bara banka uppá. Kem ekki til með klippa hann af mér í alvörunni neitt á næstunni. Tjah, ætli ég haldi honum ekki bara sem lengst!


Annars styttist í næsta ferðalag. Við brunum útúr bænum á sunnudagsmorgun og út á þriðjudagsmorgun. Ætlum að kíkja á ömmu og ættingja mína í sandgerði á mánudeginum.
Án þess að vera byrjuð að pakka, þá líður mér strax eins og ég sé að gleyma einhverju Ég bara get svo svarið það! En vona að ég reddi mér með góðum tékk-lista. Kannski best að láta einhvern yfirfara hann líka.

Hmm..

Uppáhaldsárstíminn minn er um garð genginn. Kvöldin dimm.. en samt svo hlý. Dagarnir bjartir. Ætli ég hafi ekki átt að fæðast einhvers staðar í miðri evrópu.. býst við því. Storkurinn hefur fokið eitthvað norður
Og svo kemur haustið.. haust haust haust.. það langfallegasta af öllu.
Þegar laufin falla og fallegu fallegu jarðlitirnir koma í ljós. Bjútífúl!

Já og svo má ekki gleyma afmælinu mínu. Það nálgast óðfluga. Því miður verð ég ekki á landinu til að fagna með ykkur, þar sem ég ákvað að vera svolítið grand á því (enda 27 ára algjör eðal-aldur) og halda uppá það á erlendri grundu.

Þið hins vegar þurfið ekki að örvænta, þið getið annað hvort komið út (tenerife) nú eða bara haldið ykkar eigin fögnuð!

Ef hvorugt hentar ykkur, þá getið þið bara skilið gjafirnar eftir niðri hjá Gamla.

Ok kids

En jæja, held ég fari að sofa í hausinn minn (ég reyndar sofnaði með barninu áðan, annað kveldið í röð.. algjörlega að rugla kerfið!) aldrei nóg af svefni samt þessi misserin!

Bið ykkur bara vel að lifa þangað til næst,

ást ást ást.

Hef alltaf verið mjög heit fyrir orðabókum og dreymdi í nokkur ár um að eignast Íslenska Orðabók, þið vitið stóran þykkan doðrant með öllum orðum okkar ylhýra máls.

Nema hvað, fyrir tæpu ári kom til mín sölumaður og vildi selja mér Íslenska Vegaatlasinn. Ég taldi mig "sloppna", þar sem ég hafði engan áhuga á vegum íslands, malbikuðum eða ómalbikuðum, og beið því eftir að hann tæki föggur sínar og færi.

Nei. Þessir menn eru nefninlega mjög vel þjálfaðir í sölumennsku sálfræðinnar og mig grunar að þessi maður hafi stundað sölumennsku í tugi ára, svo góður var hann.

Algjörlega niðurbrotin bókalega séð, ákvað ég að grípa þetta einstaka tækifæri og kaupa af honum Íslensku orðabókina og Stóru myndaorðabókina.. hann ætlaði nebblega að gefa mér stóru kattabókina í kaupbæti! Hugsið ykkur hvað ég græddi þar

Allt í góðu með það, ég jafnaði mig fljótt á öllum fjólubláu sem fóru í þetta, enda hafði það verið draumur minn lengi að eignast eitt stykki orðabók. Ég hef mjög gaman af að fletta upp orðum og allt það (þið vitið sem maður gerir með orðabækur).

Í gær var mér svo bent á orð sem mig hefði aldrei grunað að ég myndi finna í Íslensku Orðabókinni minni! Ónei sei..

Þetta eru reyndar orð sem ég hef notast við hér á blogginu mínu, en aldrei lét ég mér detta það í hug að þau væri að finna í okkar fagra máli!

Þetta eru orðin:

sjitt

og

fokk


Jebb, þar hafiði það! Og svo ég skrifi þetta upp fyrir ykkur, svo þið getið byrjað að nota þetta rétt:

sjitt: UH ?? * lýsir óánægju, vanþóknun
(UH = upphrópun
?? = vafamál hvort talist geti til íslensku, ekki fallegt mál (ca) )

fokk: HK óformlegt * lítilfjörlegt starf, dútl, dund -> allt í fokki þ.e. í vitleysu, óstandi, allt í klessu
2) fokka -aði: s 1 óformlegt * gaufa, dunda  2  láta e-ð fokka  óformlegt  sleppa e-u, láta fara -> láta aurana fokka / láta það fokka sem manni dettur í hug
3) fokka -aði: s * fokka e-u upp (fyrir e-um)  óformlegt  klúðra e-u, spilla e-u (fyrir e-um)
fokking: L ÓB / AO ??, gróft * leiðinda, djöfulsins


Jessörí, þetta er íslenskan í dag.

Bless og góða helgi

Vúhú, loksins er síðan okkar komin með almennilegt lén!

www.pokaborn.org

Mæli *auðvitað* með að þið kíkið á hana.. við erum alltaf að bæta og breyta, vonandi til hins betra. Hér má svo finna greinarnar sem ég hef þýtt.

Gaman að fá viðbrögð við brjóstagjafablogginu - skiptar skoðanir á henni eins og öðru En eins og ég segi, fræðsla er alltaf af hinu góða, þó svo að hver og einn velji sína leið.

Ég á því miður () enga bók um þessi mál, en finnst gott að kíkja á þessa síðu ef á mér brenna spurningar og svo er það gamla góða WHO -sem er Alþjóðaheilbrigðisstofnunin. En þó fyrst og síðast mín innri sannfæring sem ég fer eftir, get því miður ekki vísað á hana á netinu..

Finnst mjög gaman að bera mannskepnuna saman við önnur dýr og sjá hversu langt við erum komin frá okkar "eðli". Við erum ma. eina dýrið sem sviptir sig svefni og eina dýrið sem býr til sérbæli fyrir GLÆNÝ afkvæmin. Ég kenni tímaleysi um og þessum hraða sem fylgir nútímavæðingunni. Eftir einhver þúsund ár, verðum við bara með þrjár tennur og börnin fá skyr.is frá fæðingu nei, ég segi svona.

En þetta minnir mig samt pínu á bókina Brave New World eftir Aldous Huxley. Las hana á sínum tíma og fannst hún góð.. hún er skrifuð árið 1932 og á að gerast "í framtíðinni". Börnin verða til á tilraunastofum og eru flokkuð sem Alfa, Beta, Gamma og Delta eftir því hversu vel þau heppnuðust minnir mig. Allavega, smá útúrdúr..

Nú styttist í tenerife, ætli það sé ekki rúm vika.. annars er ég alveg úti á þekju svona dagatalslega séð.

Margrét Sif fer að detta í níunda mánuðinn og ég er bara hálf sjokkeruð yfir því tíminn hefur aldrei liðið hraðar, verð ég að segja.

EN jæja, þarf að sinna afkvæminu,

hafið það gott í dag.

Mér finnst þetta mest frábærast! Brjóstagjafavika
Mér finnst vanta SVO mikla fræðslu um þessi mál og þetta er klárlega málið.

Alltof algengt að nýbökuðum mæðrum séu gefnar rangar upplýsingar. Margar konur halda að þær mjólki ekki nóg. Margar konur byrja að gefa ábót með brjóstamjólk.
Stóri misskilningurinn er samt sem áður sá, að eina leiðin til að auka mjólkina er að leggja barnið oftar á brjóst. Með því að gefa ábót, stendur framleiðslan í stað, þe. verður EKKI meiri og því myndast vítahringur.

Framleiðslan verður fyrst og síðast til í heilanum og um leið og barnið er lagt á brjóst fara boð upp í heila um að framleiða meira. Mesta framleiðslan á sér stað stuttu eftir að barnið drekkur. Ef barnið fer oft á brjóst, fær heilinn OFTAR skilaboðin um að framleiða meira, sem skilar sér í aukinni framleiðslu og þar af leiðandi meiri mjólk.

Staðreyndin er sú að meirihluti kvenna mjólkar meira en nóg! Málið er bara að oft nær barnið ekki mjólkinni eða rennslið er of hægt og því virðist sem það sé ekki næg mjólk.

Svo ég vitni í eitthvað..

"1. Many women do not produce enough milk.

Not true! The vast majority of women produce more than enough milk. Indeed, an overabundance of milk is common. Most babies that gain too slowly, or lose weight, do so not because the mother does not have enough milk, but because the baby does not get the milk that the mother has. The usual reason that the baby does not get the milk that is available is that he is poorly latched onto the breast. This is why it is so important that the mother be shown, on the first day, how to latch a baby on properly, by someone who knows what they are doing."



Hér eru svo nokkrar (fleiri) mýtur um brjóstagjöf - frábær lesning að mínu mati.

Við gerðum okkur lítið fyrir og keyrðum:



Reyndar ekki í þessari röð eins og sýnt er á myndinni.. en hringinn fórum við engu að síður.


Áðum á hinum ýmsu stöðum.. ma. djúpavogi, höfn og hinum ýmsustu stöðum undir jöklinum, vík, skeiðarársandi og hinum og þessum vegköntum þegar líða fór á ferðina.
Margrét Sif fór nebblega að mótmæla ansi hressilega undir lokin og tókum við á það ráð að skipta út bílstólum í borginni og fengum við ekki eitt einasta mótmæli á leiðinni rvk - húsavík.
Eiginlega má segja að stóllinn sé kraftaverkastóll, þar sem Margrét gerði sér lítið fyrir og sofnaði tvisvar í honum daginn sem hann var keyptur. En í þeim gamla sofnaði hún ekki nema með herkjum og barningi.

Eníveis, vildi bara láta vita að við erum hérna ennþá.
Ég er í fullu starfi við að taka upp úr töskum og þvo þessa dagana, pabbinn fer á sjó í nótt (líklega) og lífið fer að ganga sinn vanagang.

Fram að mánaðarmótum í það minnsta, þegar næsta ferðalag tekur við.

Kem með myndir síðar.

Ps. Amma, Bjössi, Silla og allir hinir suður við sjó, við komum í heimsókn í næstu ferð (um mánaðarmót) og plötum pabba með

Sælar.

Takk fyrir að halda áfram að koma við þrátt fyrir engin skrifin

Það hefur ýmislegt gerst síðan síðast.
Meðal annars það að spennirinn (eins og þeir vilja að þetta heiti þarna hjá apple) sem hleður tölvuna mína gaf upp öndina. Ég kýs að kalla þetta hleðslutæki, en í hvert sinn sem ég sagði hleðslutæki í símann við tæknimennina, þá leiðréttu þeir mig og sögðu "spennir".
Þannig að spennir skal það vera.
Þeir voru nú svo elskulegir að gefa mér nýjan í staðinn og fá þeir knús að launum fyrir það. Kem við hjá þeim einhvern tímann með launin. Ég sjálf hefði ekki látið mig hafa nýtt, þar sem ég var búin að juða snúrunni svoleiðis fram og til baka til að reyna að ná sambandi, að það var ekki sjón að sjá þetta. En.. þessar elskur, skömmuðu mig reyndar svolítið fyrir juðið, en sendu svo bara nýtt af stað.

En já, semsagt.. ég var tölvulaus á meðan sem var gott/vont, vont þar sem ég fæ alltaf svo ROSALEGA mikilvægan póst akkúrat þegar ég kemst ekki inná tölvuna mína og gott því þá gat ég einbeitt mér að saumaskapnum.
Sem minnir mig á það, er virkilega HVERGI hægt að kaupa efni í Húsavík city?

Jú, það var samt tölva hér á heimilinu, en ég get ekki vanist henni eftir að hafa notað makkann minn. Ég ýti ævinlega á 100 takka í einu og bara.. kann ekkert á hana.

En jæja, svo ég líti aðeins yfir síðustu daga og vikur:

Andri kom og fór - við fjölsk. fórum austur á Nesk. að heimsækja Rut og co. - Siggi, Sigga og co frá dk komu og fóru - Costa del Húsavík lifnaði við - Mærudagar komu og fóru - Margrét fékk fyrsta hitann sinn..
og örugglega margt fleira sem hefur gerst í millitíðinni.

Hitinn hérna er á bilinu 18 til 25 gráður og hefur verið í ca viku núna. Ég verð svo þreytt og lemstruð í svona hita að heimilið er eins og eftir sprengjuárás Engin leið að koma neinu í verk..

Og við sem erum á leið á sólarströnd Já, ég átti eftir að segja frá því.. erum að fara til tenerife 2. sept með pabba og fleirum í 2 vikur. Eins konar afmælisferð fyrir pabba, þar sem hann verður hvorki meira né minna en 7tugur. Þar ætlum við að lifa á brauði og vatni, þar sem evran hefur hækkað all svakalega frá því að við pöntuðum ferðina.

Þess má einnig geta að ég hef ekki farið í sólarlandaferð síðan ég var pínkupons (já eða allavega undir 10 ára).. hef kosið borgar- og flakkferðir framyfir strendurnar. Þannig að þetta verður fróðlegt

En jæja enda þetta á nokkrum myndum:


Litla skottið að sitja hest í fyrsta sinn





Lesa fyrir Rut frænku





Káboj snúlls






Mæðgur að spóka sig á Costa del Húsó




Bless & knúsútíloftið!